Rafidnarsamband islands jolaskjar 2017 03Árið er á enda og því gott að renna yfir verkefni sem unnin hafa verið á árinu. Hæst á lofti eru auðvitað kjarasamningarnir. Þeir renna út á miðnætti. RSÍ og iðnaðarmannafélögin hafa unnið mikla undirbúningsvinnu vegnar endurnýjunar almennu kjarasamninganna og hafa verið haldnir fjölmargir fundir á undanförnum mánuðum vegna þessa. Fundir með Samtökum atvinnulífsins hafa verið nokkuð reglubundnir í desember en kröfur iðnaðarmanna voru lagðar fram í lok nóvember.

Helstu markmið kjaraviðræðna iðnaðarmannafélaganna er að festa í sessi þann árangur sem náðst hefur á undanförnum árum auk þess að tryggja áframhaldandi kaupmáttaraukningu. Við sjáum mikil tækifæri í því að stytta vinnuvikuna án þess að skerða laun. Augljóst er að vinnutími iðnaðarmanna er lengri en almennt gerist, meiri yfirvinna er unnin hjá okkur, því er bráðnauðsynlegt að ná að stytta raunverulegan vinnutíma til hagsbóta fyrir félagsmenn bæði hvað varðar laun og frítíma.

Það er augljóst að nauðsynlegt er að hækka verulega lágmarkslaun sem skilgreind eru í kjarasamningum iðnaðarmannafélaganna en töluvert bil er á milli þeirra markaðslauna sem greidd eru og lágmarkslaunanna. Slík breyting er til hagsbóta fyrir alla aðila, launafólk og atvinnurekendur. Við gerum jafnframt þá lágmarkskröfu að allir njóti sambærilegra kjara og réttinda óháð uppruna fólks er. Laun erlendra starfsmanna eru oft á tíðum mun lægri en íslenskra starfsmanna, þessum mun þarf að eyða.

Aftur að málefnum líðandi stundar. Kjararáð úrskurðaði alþingismönnum, ásamt fleiri hópum, gríðarlegum launahækkunum árið 2016 sem við höfum mótmælt síðan. Kjararáð var lagt niður af hálfu Alþingis og vildu alþingismenn meina að þá væri málið leyst. Svo er hins vegar ekki. Upplegg stjórnarliða ríkisstjórnarinnar var að láta úrskurðina jafnast út miðað við launavísitöluna á lengri tíma en til að sýna raunverulegt innsæi þá lagði ríkisstjórnin fram lagafrumvarp sem bætti heldur betur í, vísitölutryggð laun þingmanna inn í ókomna framtíð!

Já mikill vill miklu meira!

Í samtali aðila vinnumarkaðarins hefur komið fram ádeila á þessa úrskurði og bent hefur verið á hversu skaðlegt þetta er inn í samfélagið. Stjórnvöld ætla sér ekki að opna augum. Fulltrúar ríkisstjórnarinnar ætla ekki að leggja við hlustir. Ráðherrar ætla ekki að leiðrétta þessa vitleysu sem mun á endanum skaða samfélagið með auknum ójöfnuði.

Þrátt fyrir síendurtekin varnaðarorð ætla stjórnvöld bæta í vandamálið. Það má vera að ríkisstjórnin ætli sér að komast í gegnum þennan vetur kjaraviðræðna með kjararáðsúrskurðina á bakinu en vilja síðan tryggja að aðrir megi alls ekki njóta sambærilegra hækkana því þá fari allt í kalda kol.

Verðbólgan

Við erum enn og aftur að sjá þann gamla en síður góða takt stjórnvalda, sveitarfélaga og fyrirtækja að hækka gjaldskrár og ýmsa skatta um áramótin. Í tengslum við kjarasamninga 2014 tókst að stöðva þennan sjálfvirka vítahring sem þessir aðilar voru búnir að búa til. Víxlhækkanir ollu nefnilega þeirri verðbólgu sem þá var í gangi. Alþingi hefur ákveðið að bæta í og hækka ýmis gjöld t.d. á eldsneyti og tóbak. Fasteignaskattar hækka verulega á milli ára vegna nýs fasteignamats sem eykur útgjöld heimilanna.

Allt þetta mun auka verðbólgu sem aftur mun hækka vaxtastig, auka skuldir heimilanna og auka útgjöld heimilanna í formi hærri vaxta. Við erum því væntanlega að verða komin aftur í gamla farið!

Ég tel afar brýnt að húsnæðisliðurinn verði tekinn út úr mælingu vísitölu neysluverðs en ég tel auk þess sérstaklega mikilvægt að við tökum til skoðunar að draga úr vægi verðtryggingar á skuldum heimilanna. Afnám verðtryggingar? Það væri auðvitað langbesta leiðin en til þess þá þarf samfélagið að taka risastór skref í gjaldmiðlamálum sem við erum sennilega ekki tilbúin til að viðurkenna eða takast á við.

Ég tel brýnt að skoða áhrif þess að verðtryggingu verði breytt og þá að hætt verði hækka skuldir sem nemur fullri hækkun vísitölu neysluverðs (VNV) þess í stað verði hámark sett á þannig að eingöngu helmingur hækkunar VNV verði til verðtryggingar. Það er óeðlilegt að dreifa hækkun á verðlagi að fullu leyti á skuldsett heimili.

Að lokum óska ég félagsmönnum RSÍ og aðildarfélaga, fjölskyldum þeirra sem og landsmönnum öllum gleðilegs nýs árs og þakka ánægjuleg samskipti á árinu sem er að líða.

Kristján Þórður Snæbjarnarson

Formaður Rafiðnaðarsambands Íslands

Rafidnarsamband islands jolaskjar 2017 02Starfsfólk og stjórn RSÍ óskar félagsmönnum og fjölskyldum þeirra, sem og landsmönnum öllum, gleðilegra jóla og farsældar á komandi ári.

ASI VerdlagseftirlitMestur verðmunur á kjöti og konfekti 
Mikill verðmunur var á jólamat milli verslana í verðkönnun ASÍ sem framkvæmd var á mánudaginn síðastliðinn. Mestur var verðmunurinn á algengum jólamat eins og kjöti, gosi, jólaöli og konfekti og er því ljóst að neytendur geta sparað sér töluverðar fjárhæðir þegar keypt er í jólamatinn. Allt að 1.400 kr. verðmunur var á kílóverðinu af hangilæri sem gerir 4.200 kr. verðmun ef 3kg hangilæri er keypt og 890 kr. verðmunur var á kílói af Nóa konfekti.  

4.200 kr. verðmunur á hangilæri
Mestur verðmunur var á léttreyktum lambahrygg frá Kea eða 73% verðmunur á kílóinu. Lægsta verðið var í Bónus, 1.679 kr en það hæsta í Hagkaup, 2.899 kr sem gerir 1.220 króna verðmun. Þá var 54% verðmunur á kílói af úrbeinuðu Fjalla hangilæri eða 1.400 kr. verðmunur. Lægsta verðið var í Bónus, 2.598 kr. en það hæsta í Iceland 3.998 krónur. Ef við gefum okkur að keypt sé 3 kg hangilæri gerir það 4.200 króna verðmun. 

Mikill verðmunur var á gosi eða upp í 134% verðmunur á hálfs líters dós af Hátíðarblöndu frá Vífilfelli. Lægsta verðið mátti finna í Bónus, 85 kr. en það hæsta, 199 kr. í Iceland en það gerir 114 kr. eða 134% verðmun. Þá var 58% verðmunur á 2l flösku af Pepsi Max, hæst var verðið í Hagkaup 339 kr. en lægst, 215 kr. í Bónus.  

Verðmunur á konfekti var einnig mikill. Mestur var hann 135% eða 420 kr. á 300 gr. After eight kassa. Lægsta verðið, 319 kr. mátti finna í Fjarðarkaup en það hæsta, 749 kr. í Iceland. Mestur verðmunur í krónum talið var á kílói af Nóa konfekti, lægsta verðið, 2.999 mátti finna í Krónunni en það hæsta, 3.899 í Hagkaup sem gerir 30% eða 890 kr. verðmun.

Hægt að spara sér háar upphæðir
Verðmunur á jólamat getur fljótt orðið mikill enda í mörgum tilfellum um að ræða nokkuð dýrar vörur sem mikið er keypt af yfir hátíðarnar. Mörg þúsund króna verðmunur getur verið á sömu jólasteikinni milli verslana og þá eru upphæðirnar fljótar að telja þegar mikið er keypt af gosi auk þess sem mikill verðmunur getur verið á konfekti sem er tiltölulega dýr vara. Hér eru dæmi um tvær vörukörfur, önnur keypt í Bónus og Iceland en hin í Bónus og Hagkaup en þar má glöggt sjá hversu mikill verðmunur er á lítilli vörukörfu milli verslana. Neytendur geta því sparað umtalsvert með því að kaupa í jólamatinn þar sem verðið er lágt. 

Bónus/Iceland Fjöldi/Magn Verðmunur milli verslana
Jólapinnar Vanilluís (Kjörís) 1 350 kr.
Ömmubakstur laufabrauð steikt 15 stk. 1 550 kr.
Fjallalamb hangilæri úrbeinað 3 kg. 4.200 kr.
Þykkvabæjar brúnaðar kartöflur 690 gr. 2 480 kr.
Vífilfell hæatíðarblanda 0,5 lítrar 6 684 kr.
  Samtals 6,264 kr.

 

Bónus/Hagkaup Fjöldi/Magn Verðmunur milli verslana
Jóla Brie 150 gr. (MS) 2 408 kr.
Kristjáns laufabrauð steikt 15 stk. 1 610 kr.
Kea hangiframpartur - kg. verð 3 kg. 2.760 kr.
Nóa konfektkassi 135 gr. með mynd 1 240 kr.
  Samtals 4.018 kr.


Verðbreytingar hraðar á þessum árstíma
Bónus var oftast með lægsta verðið í könnuninni eða í 55 tilfellum af 105 en Fjarðarkaup var næst oftast með lægsta verðið eða í 20 tilfellum. Hæstu verðin voru oftast í Iceland, 46 tilfellum af 105 en næst oftast í Hagkaup eða í 40 tilfellum. Lægstu verðin á kjöti og konfekti dreifðust þó á margar verslanir. Algengt er að verslanir séu með ýmis tilboð á þessum árstíma og eru verðbreytingar tíðar. Neytendur eru því hvattir til að fylgjast vel með tilboðum og verðbreytingum á næstu dögum. 

Könnunin var framkvæmd í eftirtöldum verslunum: Nettó Mjódd, Bónus Skeifunni, Krónunni Bíldshöfða, Fjarðarkaupum, Iceland Engihjalla, Hagkaup í Garðabæ, Kjörbúðinni Garði og Costco. Hér er aðeins um beinan verðsamanburð að ræða, en ekki er lagt mat á gæði eða þjónustu söluaðila.

Sjá töflu (smella hér)

Óheimilt er að vitna í könnunina í auglýsingum og við sölu nema með heimild ASÍ.

 

RSI jol 2018 bannerOpnunartími skrifstofu RSÍ um jólin

Aðfangadagur 24. desember LOKAÐ

27. desember opið frá 13:00-16:00

28. desember opið frá 9:00-16:00

Gamlársdagur 31. desember LOKAÐ

2. janúar 2019  opið frá 13:00-16:00

rafis bordar 1300x400 24

Ummæli Bjarna Benediktssonar um stöðuna á vinnumarkaði eru til marks um það áhugaleysi sem lesa má frá ríkisstjórn til þess að byggja upp sanngjarnt samfélag. Árið 2016 úrskurðaði kjararáð um 45% hækkun launa alþingismanna og hefur mætt gríðarlegri gagnrýni í samfélaginu síðan. Þrátt fyrir ítrekaðar ábendingar um að þessi úrskurður valdi miklu ósætti á vinnumarkaði þá hafa fulltrúar ríkisstjórnarinnar ekki látið það á sig fá, sennilega ekki meðtekið skilaboðin. Fjármálaráðherra ákvað síðan að leggja fram frumvarp til laga á Alþingi sem mun bæta í skömmina og tryggja alþingismönnum hinn fullkomna jólapakka, vísitölutryggð laun. Þingmenn munu samkvæmt því halda 45% hækkuninni og fylgja launaþróun opinberra starfsmanna. 

Hins vegar þegar kemur að því að semja um launakjör almennings þá á allt um koll að keyra. Fjármálaráðherra skammast yfir því að fólkið sé frekt og hótar því, já hótar því að ef almenningur hefur sig ekki hægan þá verði sko ekki neitt gert til að bæta stöðu launafólks, skattalækkun komi ekki til almennings. 

Það er klárt mál að þessi viðbrögð fjármálaráðherra eru ekki til þess fallin að stuðla að einhverri sátt eða ýta undir að jákvæðari niðurstöður á vinnumarkaði.

Kristján Þórður Snæbjarnarson

Formaður RSÍ

jol 2016

Jólaball RSÍ var haldið í Gullhömrum 16.desember síðastliðinn.

Myndir frá ballinu (smella hér)

KLUKK 5x20 2018

Klukk er frítt tímaskráningarapp fyrir launafólk. Þú skráir vinnutímana þína með einum smelli í Klukk og veist þá nákvæmlega hversu mikið þú vinnur og hvenær. Hægt er að virkja staðsetningarbúnað í appinu sem minnir þig á að klukka þig inn eða út. Náðu þér í Klukk í AppStore eða á GooglePlay.

Nánar á asi.is/klukk

ASI Verdlagseftirlit

Mjög mikill verðmunur er á leikföngum og spilum á milli verslana en í mörgum tilfellum hleypur hann á nokkur þúsund krónum. Í nýrri verðkönnun verðlagseftirlits ASÍ sem framkvæmd var 6. desember kemur fram allt að 98% verðmunur á leikföngum og allt að 100% verðmunur á spilum. 

Mesti verðmunur á leikföngum í krónum talið var 9.500 kr. (95%) verðmunur á Lego City lögreglustöð, hæst var verðið í Hagkaup, 19.499 kr. en lægst var verðið í Toys‘r us, 9.999 krónur. Mesti verðmunur á spilum var 100% verðmunur á Sequence, lægst var verðið í Nexus, 3.495 kr. en hæst í Toys‘r us, 6.999 kr. sem gerir 3.504 kr. verðmun. Toys‘r us var oftast með lægsta verðið á leikföngum en Heimkaup oftast með það hæsta. Heimkaup var einnig oftast með hæsta verðið á spilum.

Hægt er að spara háar fjárhæðir með því að gera samanburð á verslunum áður en leikföng og spil eru keypt. Flestar verslanir í könnuninni eru með netverslanir þar sem hægt er að sjá hvað vörurnar kosta. Þá geta verð breyst hratt en sumar verslanir eru með tilboð á vörum á þessum árstíma og skiptir því enn meira máli að gera samanburð milli verslana áður en haldið er af stað í jólagjafainnkaup.  leikfong

Mörg þúsund króna munur á mörgum leikföngum (sjá töflu...smella hér)
Mesti verðmunur á leikföngum í krónum talið var 9.500 kr. (95%) verðmunur á Lego City lögreglustöð eins og fyrr segir. Þar var verðið hæst í Hagkaup en l

ægst var verðið í Toys‘r us. Mesti verðmunur í prósentum var 98% verðmunur á Lego dublo hesthúsi eða 5.378 kr., lægst var verðið í Toys‘r us, 5.490 kr. en hæst hjá Heimkaupum, 10.868 kr. Þá var 6.865 kr. eða 59% verðmunur á Lego City slökkviliðsstöð, lægst var verðið í Toy‘s r us á 11.625 en hæst hjá Heimkau

Heimkaup var oftast með hæsta verðið á leikföngum í könnuninni eða í 13 skipti af 32, sem vekur athygli fyrir þær sakir að Heimkaup er netverslun og því takmarkaða yfirbyggingu. Toys‘ r us var oftast með lægsta verðið eða í 13 skipti af 32. p, 18.490 kr.
Mikill verðmunur var á litlum Hvolpasveitarböngsum, 83% eða 1.991 kr. en hæsta verðið var hjá Heimkaup, 7.390 kr. en það lægsta hjá Hagkaup, 2.399 kr. 

Heimkaup oftast með hæstu verðin á spilum (sjá töflu..smella hér)
Mesti verðmunur á spilum var 100% verðmunur á Sequence, lægst var verðið í Nexus en hæst í Toys‘r us. Mikill verðmunur var á Monopoly en hæsta verðið var í Heimkaup, 7.890 kr. en það lægsta hjá Nexus, 4.495 kr. Þá var 75% verðmunur á Cortex Challenge 2, hæsta verðið var hjá Heimkaup 3.490 kr. en það lægsta hjá Nexus, 1.995 kr. Oftast var yfir 30% verðmunur á borðspilum og oftast um 1.000 kr. – 2.000 kr. verðmunur. Heimkaup var oftast með hæsta verðið á spilum eða í 9 skiptum af 21 og aldrei með það lægsta en lægstu verðin dreifðust annars á milli verslananna. 

Um könnunina
Í könnuninni var verð á 32 leikföngum og 21 spili skráð niður. Ef afsláttur var gefinn upp af verði var hann tekinn til greina. Könnunin var framkvæmd á sama tíma í öllum verslunum en þær eru; Heimkaup, Toy‘s r us, Hagkaup, Elko, Spilavinir, Nexus og A4. 

Í könnuninni er einungis gerður samanburður á verði en ekki lagt mat á gæði eða þjónustu viðkomandi verslana. Einhverjar verslanir bjóða t.d. upp á heimsendingu með sínum vörum en ekki er tekið tillit til þess í könnuninni. Sum leikfanganna og spilanna voru einungis fáanleg á tveimur stöðum enda fáir staðir með mikið eða sama úrval af leikföngum og spilum. 

Óheimilt er að vitna í könnunina í auglýsingum og við sölu nema með heimild ASÍ.

 

rafidnadarsambandid2Nú liggur fyrir frumvarp á Alþingi þar sem bregðast á við því að kjararáð hefur verið lagt niður án þess að framtíðarlaunasetning hafi verið ákvörðuð. Í ljós kemur að verði þetta frumvarp samþykkt þá á hreinlega að festa í sessi þá gríðarlegu hækkun sem meðal annars alþingismenn fengu árið 2016. 45% hækkun á launum þeirra er þá tryggð og til að bæta í skömmina þá ætlar ríkisstjórnin að tryggja sér vísitölutryggð laun og fleyta þar með rjómann af samfélaginu, launaskrið opinberra starfsmanna.

Miðstjórn RSÍ skorar á alþingismenn að hafna þessu frumvarpi og standa með þjóðinni við að reyna að koma á sátt í samfélaginu þar sem jöfnuður verði efstur á blaði.

Verði frumvarpið samþykkt liggur í augum uppi að eðlilegast væri að vísitölutengja laun almennings jafnframt með ákveðnu álagi og tryggja þar með aukinn kaupmátt launa til allrar framtíðar óháð efnahagsstöðu.

Kröfugerðir verkalýðsfélaga hljóma afar hófstilltar miðað við það upplegg sem ríkisstjórnin hefur ákveðið að velja sér. Sama hver árangur verður á vinnumarkaði þá munu alþingismenn njóta mun meira vegna launaskriðs.

Lasar1 edited bannerNýverið hófu RSÍ og SART að afhenda félagsmönnum innan RSÍ persónubundna öryggislása þar sem markmiðið er að auka öryggi félagsmanna við þeirra störf. Verklag við notkun lásanna er þannig að þegar starfsmaður þarf að rjúfa spennu að búnaði eða stöðva vinnslu vélar þá gerir viðkomandi búnaðinn spennulausan og læsir síðan viðkomandi rofa eða sjálfvari, svo dæmi sé tekið, með persónulásnum sínum. Starfsmaður hefur síðan störf við búnaðinn eftir að hafa fulltryggt að viðkomandi búnaður sé spennulaus. Þegar verki er lokið og öruggt er að spennusetja aftur tekur viðkomandi starfsmaður lásinn af og spennusetur/gangsetur. Lásinn er merktur með nafni viðkomandi auk símanúmers. Komi annar notandi eða starfsmaður að búnaði og sér að búnaður er læstur þá getur viðkomandi ekki annað en læst búnaði einnig með öðrum lás (ef viðkomandi ætlar að vinna við búnaðinn) eða þá haft samband við starfsmann sem búinn er að læsa búnaði og athuga stöðu verks. 


Undir engum kringumstæðum má annar en eigandi eða yfirmaður viðkomandi starfsmanns, ef ekki næst í starfsmanninn, fjarlægja lás annars einstaklings.

Fyrir skömmu fengu starfsmenn RSÍ fregnir af því að rafvirki hafi læst búnaði á verkstað sökum þess að aðstæður voru með þeim hætti að ekki var talið öruggt að hafa spennu á búnaði. Því var búnaði læst til að tryggja öryggi notenda. En eftir að búnaði var læst og viðgerð ekki lokið var viðkomandi persónulás fjarlægður af öðrum aðila án þess að hringja í viðkomandi rafvirkja sem hafði læst búnaði til að tryggja öryggi sitt sem og annarra. 

Vinnueftirlitið var kallað til á verkstað ásamt fulltrúa Mannvirkjastofnunar til að rannsaka aðstæður. Vinnustaðaeftirlitsfulltrúar RSÍ fóru í eftirlitsferð á verkstað einnig í kjölfar þessa. Það er ljóst að RSÍ tekur uppákomum sem þessum mjög alvarlega og mun krefjast þess að gjörningur sem þessi hafi alvarlegar afleiðingar. Þarna er verið að tryggja líf og heilsu fólks með því að læsa rafbúnaði og er það gríðarlega alvarlegt þegar sá sem ekki hefur þekkingu til fjarlægir öryggisbúnað sem þennan.

 

Þessi vefur notar vafrakökur til að tryggja eðlilega starfsemi vefsins og mæla heimsóknir á hann. Engar persónugreinanlegar upplýsingar eru vistaðar án samþykkis. Til að lesa nánar um hvernig við notum vafrakökur á þessum vef, Smelltu hér.

Samþykkir þú að vefurinn noti vafrakökur?