asiVið beinum því til félagsmanna okkar að virða verkföll.

Höfum í huga að verkfall nær til allra þeirra starfa sem kjarasamningur verkfallsboðenda tekur til. Útfærsla verkfallsins er svo í höndum félagsins sem boðar til verkfalls. 

Gætum þess að ganga ekki í störf verkfallsmanna. - VIRÐUM VERKFÖLL!

asi rautt

Miðstjórn Alþýðusambands Íslands lýsir yfir stuðningi við boðaðar verkfallsaðgerðir Eflingar-stéttarfélags og VR sem fara fram á félagssvæði beggja félaga næstu vikur. Þær aðgerðir tengjast kjaradeilu félaganna vegna endurnýjunar kjarasamnings starfsfólks á hótelum og hjá rútufyrirtækjum, sem rann út um síðustu áramót. 

Það er grundvallarréttur vinnandi fólks að bindast samtökum og leggja niður vinnu til að knýja á um bætt kjör. Sá réttur er óvéfengdur og allar tilraunir til að grafa undan honum með verkfallsbrotum er alvarleg árás á mannréttindi vinnandi fólks. 

Miðstjórn ASÍ hvetur félagsmenn allra aðildarsamtaka sinna til að virða aðgerðir félaganna og koma í veg fyrir að verkfallsbrot verði framin.

rafidnadarsambandid2

Laugardaginn 30. mars verður haldið .22LR veiðirifflamót RSÍ í húsnæði Skotfélagi Kópavogs (undir íþróttahúsinu Digranesi)

Skotið verður á 30 skotmörk á 50m liggjandi, skottími 20 mínútur. Leyfilegt er að skjóta eins marga æfinga-skífur og hver þarf á þeim tíma.

Flokkar riffla:

Varmint: 
Hver sá riffill ( með lás og tómt magasín ) sem vigtar ekki yfir 5,5 kg., sjónauki og tvífótur telur með.
Engar takmarkanir eru gerðar á sjónauka og stækkun þeirra eða skefti.

Heavy Varmint:
Hver sá riffill ( með lás og tómt magasín ) sem vigtar ekki yfir 7,5 kg. með sjónauka og tvífæti.
Engar takmarkanir eru gerðar á sjónauka og stækkun þeirra eða skefti.


Búnaður:
Rest:

Ekki er leyfilegt að nota rest, einungis tvífót sem má að hámarki vera með 5 cm X 5 cm fótspor. Sá búnaður tekin tekin með í vigt riffils. 
En engar þyngdartakmarkanir eru á þeim búnaði.

Stuðningur við aftur skefti:

Enginn aukalegur stuðningur við afturskefti er leyfilegur þ.m.t. sandpokar og einfætur (monopod). Einungis má nota öxl og stuðning frá hendi.

Skráning fer fram með að senda póst á: adam@rafis.is Umsóknarfrestur rennur út á miðnætti miðvikudaginn 27. mars.


Dagskrá : 
1 riðill kl 10:30 6 brautir 
2 riðill kl 11:00 6 brautir 
3 riðill kl 11:30 6 brautir 
4 riðill kl 12:00 6 brautir
5 riðill kl 12:30 6 brautir


Verðlaunaafhending kl. 12:50 !!!

Mæting er 20 mín. fyrir brautartíma til að hægt sé að vigta byssur og fara yfir reglur.

Mótsgjald er kr. 1.000.- greiðist á staðnum.

Yfirdómari er Guðrún Hafberg marfaldur Íslandsmeistari í skotíþróttum. 
Keppnisstjóri Guðmundur Guðmundsson

Reglur ! 
1) Hafa byssur í töskum þegar komið er með þær á staðinn. 
2) Öryggisspotti í hlaupi og meðhöndla skal byssuna eins og hún sé hlaðin
3) .22LR "High Velocity" skot eru EKKI leyfð ! 
( einungis má nota skot sem fara undir hljóðhraða ) 
4) Skotmanni er skylt að hlýða dómara og keppnisstjóra 
5) Brot á þessum reglum getur varðað brottrekstri úr keppni.

rafidnadarsambandid2Í morgun var fundur hjá Ríkissáttasemjara þar sem samflot iðnaðarmanna fundaði með Samtökum atvinnulífsins. Var þetta 8 fundur undir stjórn Ríkissáttasemjara en þar áður hafði samflot iðnaðarmanna átt yfir 30 fundi með viðsemjendum frá því að kröfugerð var lögð fram í lok nóvember.

Það er ljóst að viðræðuslitin eru mikil vonbrigði en nauðsynleg til þess að geta ýtt undir að geta komist á þann stað að geta náð kjarasamningi til undirritunar. Viðræðunefnd iðnaðarmanna mun undirbúa næstu skref á komandi dögum.

rafidnadarsambandid rautt

Við vekjum athygli félagsmanna á breyttri dagsetningu fjölskylduhátíðar í sumar, en hún verður haldin dagana 14.-16. júní 2019. Við hlökkum til að sjá ykkur í sumar á Skógarnesi.

rafidnadarsambandid bleikur

Stéttarfélögin á Stórhöfða 31 auglýsa eftir starfsmanni í móttöku. Sótt er um á vef Capacent (smella hér)

rafidnadarsambandid2Samflot iðnaðarmanna vísaði kjaradeilu sinni til Ríkissáttasemjara 25. febrúar og var fyrsti fundur hjá Ríkissáttasemjara haldinn þann 28. febrúar síðastliðinn. Nú eru tæpar tvær vikur frá því formlegur fundur var haldinn en tímabilið var notað til vinnufunda undir stjórn sáttasemjara en samkvæmt lögum ber Ríkissáttasemjara að boða til formlegra funda að minnsta kosti á tveggja vikna fresti. 

Boðað hefur verið til formlegs fundar á morgun, þriðjudag, þar sem farið verður yfir stöðuna. Ef Samtök atvinnulífsins koma ekki með innlegg í kjaradeiluna á fundinum á morgun þá eru allar líkur á því að bókaður verði árangurslaus fundur, sem þýðir að samninganefndir iðnaðarmanna þurfa að undirbúa næstu skref í kjaradeilunni til þess að auka þrýsting á viðsemjendur.

Viðræðunefnd samflots iðnaðarmanna hefur látið reyna á kjaraviðræður án þess að beita þyrfti meira afli en ljóst er að þær viðræður hafa ekki dugað til og því er nauðsynlegt að undirbúa næstu skref ef ekkert annað kemur fram.

rafidnadarsambandid rautt

Íslandsmót iðn- og verkgreina er haldið í Laugardalshöll dagana 14.-16. mars. Aðgangur ókeypis (smella hér) Laugardagurinn er helgaður fjölskyldunni með fræðslu og fjöri. 

Opið er fyrir áhorfendur:

Fimmtudag 14. mars frá kl 14:00-17:00

Föstudag 15. mars frá kl 14:00-17:00

Laugardag 16. mars frá kl 10:00-16:00

Fræðsluaðilar kynna fjölbreytt námsframboð á framhaldsskólastigi og fram fer keppni á Íslandsmóti iðn- og verkgreina. Boðið er upp á ýmsa isl mot idngreina 2019 1

viðburði, kynningar og ekki síst að prófa, fikta, snerta og smakka. Ekki missa af þessu einstaka tækifæri til að kynna sér allt nám á framhaldsskólastigi á einum stað.isl mot idngreina 2019 2

33 framhaldsskólar alls staðar af landinu kynna fjölbreytt námsframboð sitt. Nemendur, kennarar og náms- og starfsráðgjafar munu svara isl mot idngreina 2019 3spurningum um námsframboð, félagslíf, inntökuskilyrði og annað sem gestir vilja vita um nám og störf.isl mot idngreina 2019 4

30 iðn-, verk- og tæknigreinar taka þátt í Mín framtíð 2019. Flestar greinarnar eru með keppendur á Íslandsmóti iðn- og verkgreina. Unga fólkið sýnir rétt handbrögð og tækni sinnar greinar um leið og það tekst á við krefjandi verkefni og spennuna sem fylgir því að keppa. Sigurvegarar fá margir hverjir tækifæri til að keppa í EuroSkills að ári.

Einnig verða á svæðinu: BMX BRÓS, FabLab Reykjavík, Fagkonur, Félag náms- og starfsráðgjafa, Iðan fræðslusetur, Heimavist MA og VMA, Iðnú, Kvasir- samtök fræðslu- og símenntunarmiðstöðva, Rafmennt, Rannís, Samband Íslenskra framhaldsskólanema, Team Spark og isl mot idngreina 2019 5Verksmiðjan RÚV.

Það verður mikið líf og fjör í Laugardalshöllinni þessa þrjá daga þar sem um 7000 grunnskólanemendur alls staðar af landinu munu koma fyrstu tvo dagana til að skoða, prófa og fræðast.isl mot idngreina 2019 6

Laugardagurinn kl. 10:00 – 16:00 er Fjölskyldudagur. Fjölskyldur eru sérstaklega velkomnar til að koma og fræðast, upplifa og skemmta sér.

Í boði verður m.a. að helluleggja, klippa, flétta, krulla eða slétta hár, teikna grafík í sýndarveruleika, splæsa net, fara í ratleik, fara á ýmis örnámskeið, mæla blóðþrýsting, planta fræjum, þrívíddarprentun, smíða, prófa vélmenni, bora, sauma á iðnaðarsaumavél, leysa þrautir og fá verðlaun, sjá mjaltir og rúningu og að taka þátt í að útbúa lengstu blómaskreytingu sem gerð hefur verið á Íslandi.isl mot idngreina 2019 7

 

 

 

 

 

 

 

rafidnadarsambandid rauttSíðasti dagur til að sækja um orlofshús sumarið 2019 var 28.febrúar síðastliðinn. Úthlutun er lokið en þeir sem fengu höfnun hafa til miðnættis fimmtudaginn 14. mars til að bóka og greiða það sem eftir stendur. Föstudaginn 15. mars verður opnað á bókanir fyrir alla félagsmenn. Við vekjum athygli á því að nokkrar vikur eru ennþá lausar þá sérstaklega í í júní og ágúst. Einstaka vikur í júlí eru lausar þó sá mánuður sé orðinn ansi þétt setinn. 

rafidnadarsambandid rautt

19. sambandsþing Rafiðnaðarsambands Íslands verður haldið dagana 9.,10. og 11. maí 2019 á Hótel Natura. 

Þessi vefur notar vafrakökur til að tryggja eðlilega starfsemi vefsins og mæla heimsóknir á hann. Engar persónugreinanlegar upplýsingar eru vistaðar án samþykkis. Til að lesa nánar um hvernig við notum vafrakökur á þessum vef, Smelltu hér.

Samþykkir þú að vefurinn noti vafrakökur?