|
 vefstjóri
|
|
Hafnarfjarðarbíó rifið |
|
 |
|
|
 Í
kvöld var hafist handa við að rífa gamla Hafnarfjarðarbíó en húsnæðið
hefur fyrir nokkru lokið hlutverki sínu og staðið autt um skeið. Unnið
verður að niðurrifi hússins næstu daga. Fyrirhugað er að byggð verði
tengibygging yfir í verslunarmiðstöðina Fjörð sem þannig tengist þá
Strandgötunni. Fyrir liggur umsókn um hótelrekstur í þeirri byggingu en
Strandgata 28 er einnig hluti af þeim hugmyndum. Óljóst er hvenær þessar
framkvæmdir hefjast en deiliskipulagi fyrir miðbæinn er lokið og ekkert
því til fyrirstöðu að byggt verði á reitnum. Þangað til verður svæðið
nýtt sem bílastæði í þágu verslunar, þjónustu og annarrar starfsemi í
miðbæ Hafnarfjarðar.
13.11.2001
Skráð af: jgr |
|
|
Komnir í gegn! |
|
 |
|
|
 Vel
gengur að rífa gamla Hafnarfjarðarbíó en mestöll framhliðin
hefur nú verið felld. Starfsmenn Þjónustumiðstöðvar
Hafnarfjarðarbæjar annast framkvæmdina undir stjórn og eftirliti
VSB-verkfræðistofu fyrir hönd umhverfis- og tæknisviðs
Hafnarfjarðarbæjar. Reynir Kristjánsson, yfirverkstjóri
þjónustudeildar, segir að áætlun geri ráð fyrir að verkinu verði
að fullu lokið eftir viku, þ.e. miðvikudaginn 21. nóvember og er
þá með talinn frágangur fyrir bílastæði sem þarna eiga að vera.
14.11.2001
Skráð af: jgr |
Vantar myndir
Hægt að senda myndir til vefstjóra
rpbryn@simnet.is
| |
