Rafmennt kynnir til leiks nýtt og spennandi námskeið í forritun iðnaðarþjarka. Um er að ræða grunnnámskeið þar sem kennt er á þjarka frá Fanuc.

Nemendur taka á námskeiðinu fyrstu skrefin í heimi forritunar á þjörkum. Farið verður yfir uppbyggingu forrita og hvernig byggja má upp sjálfvirk kerfi sem stjórnað er með þjarka. Nemendur búa til nokkur einföld forrit þar sem helstu grunnatriði forritunar eru prófuð. Það er gert í þjarka hermi sem er tölvuforrit frá Fanuc og heitir Roboguide. Í lok námskeiðisins er forrit tekið niður á USB minnislykil sem er hlaðið inn á raunverulegan þjark af gerðinni Fanuc LR-Mate 200iD/4S.

Mikilvægt er að hafa góða almenna tölvuþekkingu en þátttakendur þurfa ekki að þekkja til forritunar eða hafa forritað áður.

Vikar Hlynur Þórisson kennir námskeiðið, sem er kennt 14. nóvember á Stórhöfða 27.

Nánari upplýsingar og skráningu má finna hér.