Á forsíðu FÍR Látnir félagar Starfsemin Orlofshúsin Kjaramálin Ferli mála skólakerfisins

Skýrsla stjórnar Félags íslenskra rafvirkja.

Lögð fram á aðalfundi þann 30.03.09

Stjórn FÍR 2008 – 2009

Formaður: Stefán Sveinsson

Varaformaður: Björn Ágúst Sigurjónsson

Ritari: Sigurður Sigurðsson

Gjaldkeri : Jens H Ragnarsson

Meðstjórnendur:

Sigurjón Ingvarsson

Jón Ingi Öfjörð

Jón Ólafur Halldórsson

Á hádegi þann 25.02.09, rann út framboðsfrestur til kjörs í stjórn og trúnaðarráð. Einn listi, listi stjórnar, kom fram og er hann því sjálfkjörinn.

Stjórn félagsins er óbreytt frá fyrra tímabili.

Í trúnaðarráði eru tvær breytingar, Jón Þór Kristmannsson og Heimir Ólason fara út, og í þeirra stað koma Jón Þór Björgvinsson og Eiríkur Sigurðsson. Aðrir er skipa trúnaðarráðið eru:

Aðalsteinn Stefánsson, Haraldur H. Jónsson, Hermann Lúðvíksson, Guðmundur Gunnarsson, Rúnar Bachmann, Ívar Smári Magnússon, Ísleifur Tómasson, Sigurður Sigurðsson, Svanborg Hilmarsdóttir, Hallur Kristjánsson, Brynjar Svansson, Helgi Þorvaldsson, Helgi Kristinn Hannesson, Óskar Hlíðar Jónsson, Þórður Bachmann, Páll Brynjar Arason.

Látnir félagar 2009

Hjörleifur Þórðarson Fæddur: 5/5 1938 Dáinn: 4/5 2008

Þorgrímur Halldórsson Fæddur: 1/7 1927 Dáinn: 17/5 2008

Hannes Sigurðsson Fæddur: 21/3 1928 Dáinn: 5/6 2008

Guðbjartur Benediktsson Fæddur: 31/7 1936 Dáinn: 13/6 2008

Vébjörn Eggertsson Fæddur: 31/8 1940 Dáinn: 24/6 2008

Hjörtþór Ágústsson Fæddur: 14/2 1921 Dáinn: 7/8 2008

Þorlákur B. Guðjónsson Fæddur: 15/8 1939 Dáinn: 8/9 2008

Jóhann Ólafsson RIBA Fæddur: 9/5 1941 Dáinn: 15/9 2008

Stefán E. Stefánsson Fæddur: 13/10 1931 Dáinn: 22/09 2008

Svavar Fanndal Torfason Fæddur: 3/2 1938 Dáinn: 28/9 2008

Halldór Þorsteinn Gestsson Fæddur: 15/4 1917 Dáinn: 3/11 2008

Heiðar H. Viggósson Fæddur: 8/7 1931 Dáinn: 6/11 2008

Sigrún Magnúsdóttir Fædd : 29/1 1954 Dáin: 25/11 2008

Harald M. Isaksen Fæddur: 25/2 1928 Dáinn: 6/1 2009

Valur Kristjánsson Fæddur: 25/1 1921 Dáinn: 1/2 2009

Félagsmenn FÍR eru í dag 1547 talsins, þar af 146 gjaldfrjálsir, eða samtals 1693 manns. Af greiðandi félagsmönnum eru 41 af erlendum uppruna. (Heimild : RSÍ)

Atvinnumál

Staðan í atvinnumálum rafvirkja er mjög erfið um þessar mundir. Í skýrlsu síðasta aðalfundar gætir bjartsýni hvað atvinnuhorfur varðar, þó einhver samdráttur eigi sér stað. Á þeim tíma var ekki ljóst hvernig fara myndi og hversu illa byggingariðnaðurinn (ásamt öðru) færi út úr þeirri kreppu sem skollið hefur á í aðdraganda og kjölfar bankahrunsins. Á þessari stundu er alls óljóst um framtíðarhorfur í atvinnumálum þá eru vonir bundnar við að stórar framkvæmdir, ýmist fari af stað að nýju haldið áfram, og er þá átt við hin stóru verk svo sem tónlistar- og ráðstefnuhúsið við höfnina, byggingu Háskólans í Reykjavík og framkvæmdir við álver í Helguvík. Á þessum erfiðu tímum sem nú eru skýtur það skökku við að hið opinbera skuli semja við erlenda verktaka um byggingarframkvæmdir, eins og í tilfelli Sæmundarskóla í Grafarholti. Hinn erlendi verktaki hólf framkvæmdir áður en ljóst var hver væri löggiltur rafverktaki og bæri faglega ábyrgð, en þetta er algjörlega á skjön við þær verklagsreglur sem í gildi eru. Það var ekki fyrr en starfsmenn Rafiðnaðarsambandsins kröfðust aðgerða að byggingarfulltrúi stöðvaði framkvæmdir þar til málum hefði verið kippt í lag.

Eins og fram hefur komið á undanförnum vikum, þá er talsvert um það að rafiðnaðarmenn leiti til útlanda eftir vinnu. Einnig hefur verið falast eftir rafiðnaðarmönnum héðan, aðallega frá Noregi og Danmörku. Nýlega hafa borist boð frá Kanada um vinnu handa rafiðnaðarmönnum. Er þetta til marks um það góða orðspor sem fer af okkur sem fagmönnum og einnig því að við vílum ekki fyrir okkur þó að vinnudagurinn verði langur.

Flestir þeirra útlendinga sem komu til vinnu hér á landi þegar uppgangurinn var sem mestur hafa snúið til baka og en tölur sem koma frá RSÍ styðja það.

Þrátt fyrir það hafa fyrirtæki þurft að grípa til uppsagna og hefur fjöldi atvinnulausra aukist jafnt og þétt frá því fyrir áramót, þó misjafnt sé milli félaga innan Rafiðnaðarsambandsins, RSÍ. Það má glögglega sjá af meðfylgjandi töflu og skýringum sem henni fylgja:

              Nóv  2008   Des 2008   Jan 2009   Feb 2009   Aukning frá síðasta mán.

Nóv Des Jan Feb Mar Aukning frá síðasta mán.

Rafvirkjar 31 22 38 61 74 21%

Rafeindav. 7 10 20 29 33 14%

Símsmiðir 2 2 5 5 4 0

Tæknifólk 18 24 53 97 102 5%

Raf.nemar 4 6 4 9 8 0

Samtals 62 62 123 201 221 10%

Frá lok janúar til loka febrúar fjölgaði rafiðnaðarmönnum skráðum í atvinnuleysiskrá úr 123 í 201 eða um 63%. Hlutfall rafiðnaðarmanna á atvinnuleysiskrá í Rafiðnaðarsambandinu er 3.3%.    

Nánast allir eru búsettir á höfuðborgarsvæðinu. Einhver hluti af skráðum atvinnulausum eru í hlutastarfi, en í þeim gögnum sem RSÍ hefur er ekki hægt að greina hversu margir það eru.  

Heimild : RSÍ

Til að bregðast við og reyna að lina það áfall sem einstaklingar verða fyrir við að missa vinnuna, þá hefur Rafiðnaðarsambandið ákveðið að gefa þeim félagsmönnum kost á að sækja fagnámskeið í Rafiðnaðarskólanum sér að kostnaðarlausu.

Auk þess er vert að minnast á samvinnu Rafiðnaðarsambandsins og Opna háskólans í HR:

„ ...að bjóða félagsmönnum aðgang að Tækifæri, sem er samstarfsverkefni stéttarfélaga, aðila vinnumarkaðs, opinberra aðila og háskóla.  TÆKIFÆRI er sniðið að fólki sem nú er að takast á við breytta stöðu á vinnumarkaði og aðstoða það við að finna úrræði og viðspyrnu í leit að atvinnu, námsleiðum eða nýsköpunartækifærum“. Viðburðir TÆKIFÆRIS hófust í janúar og eru félagsmönnum að kostnaðarlausu.  (af heimasíðu HR)

Nánari upplýsingar um átakið er að finna á heimasíðum Rafiðnaðarsambandsins og HR.

Trúnaðarmannaráðstefnan

Um 100 trúnaðarmenn sátu ráðstefnu á Selfossi dagana 13. og 14. okt. Staða efnhags- og atvinnumála var þar ítarlega rædd og farið yfir stöðu mála í kjölfar efnahagsþrenginganna. Þar voru mættir nokkrir af forystumönnum verkalýðshreyfingarinnar, þeir Grétar Þorsteinsson, forseti ASÍ, Gylfi Arnbjörnsson, framkv.stj. ASÍ og Ólafur Darri Andrason, forstöðum. hagdeildar ASÍ. Auk þeirra tók Illugi Gunnarsson þingmaður Sjálfstæðisflokksins þátt í umræðum. Ólafur Sigurðsson, framkv.stj. Lífeyrissjóðsins Stafa, fór yfir stöðu mála gagnvart lífeyrissjóðnum og hugsanlegar afkomuhorfur, en skortur á marktækum upplýsingum hefur gert allar spár um framtíðarhorfur erfiðari en ella.

Farið var yfir stöðu efnahagsmála í kjölfar bankahrunsins og rætt til hvaða ráðstafana heppilegast þætti að grípa til þess að koma landinu úr þeim vanda sem allt virðist stefna í.

Í lok framsögu urðu miklar umræður og fast var skotið á Illuga Gunnarsson varðandi þá efnahagsstefnu sem fylgt hafði verið undanfarin ár. 

Niðurstaða fundarins var m.a. á þá leið, að þeim sem stjórnað hafa efnahags- og peningastefnu landsins undanfarin ár, hafi orðið á mikil mistök. Seðlabankinn og Fjármálaeftirlitið, sem áttu að fylgjast með og gæta þess með viðeigandi inngripi að allt efnahagslíf landsins færi ekki á versta veg brugðust líka.

Almenningur og fyrirtæki á Íslandi hafa þurft að búa við mjög háa vexti ásamt mikilli verðbólgu og þurfa nú að taka afleiðingum efnahagsósómans með aukinni byrði, sem að sjálfsögðu lendir á skattgreiðendum.

Rafiðnaðarskólinn

Starfsemi skólans hefur verið með hefðbundnu sniði síðasta árið, og hefur aðsókn að honum verið góð. Aukanámskeiðum hefur fjölgað, sérstaklega í kringum og eftir áramótin þegar atvinnuástand fór að versna. Ásókn í námskeiðin er mun meiri en var, biðlistar hafa myndast sem kallað hafa á aukanámskeið og er afbókun fátíðari og til undantekninga telst nú ef þeir sem skráðir eru á námskeið mæta ekki. Ásókn í meistaranámið hefur verið góð, og má að einhverju leiti skýra það með þeim rökum að rafvirkjar og aðrir rafiðnaðarmenn séu þannig að skjóta fleiri stoðum undir möguleika sína til atvinnu í framtíðinni ásamt því að styrkja stöðu sína á vinnumarkaði. Því má segja að skólinn sanni gildi sitt enn frekar. Árið 2008 var nemendafjöldi á námskeiðum í skólanum 728 á 80 námskeiðum og voru kennslustundirnar alls 23667, og var meðalnámskeið því um 32 stundir.

Frá október 2008, er efnahagskreppan byrjaði fyrir alvöru að hafa áhrif á vinnumarkaðinn, hefur þátttaka atvinnulausra á námskeiðum skólans verið jöfn og þétt, þar sem tæplega þrjátíu einstaklingar hafa verið mjög virkir. Eins og áður hefur komið fram geta þeir sem misst hafa vinnuna sótt námskeið í Rafiðnaðarskólanum sér að kostnaðarlausu, það er m.a. sá stuðningur sem að Rafiðnaðarsambandið hefur ákveðið að veita þeim sem missa atvinnuna.

Húsnæði skólans er að langstærstum hluta í eigu FÍR, og er starfsemi hans á þriðju hæðinni. Önnur hæðin er í útleigu og er leigutekjunum ætlað að standa undir þeim viðhaldsverkefnum sem orðin eru aðkallandi. Þar er brýnast að skipta um glugga að sunnanverðu á annarri og þriðju hæð, sem halda varla orðið veðri né vindum auk þess sem huga að viðhaldi utanahúss.

Sveinspróf

Mikil ásókn hefur verið í sveinspróf í rafvirkjun, og hefur fjöldi þeirra sem þreitt hafa próf hverju sinni, verið um eitt hundrað. Niðurstöður sveinsprófa hafa verið á þann veg, að fallið hefur verið kringum 20%. Í febrúar 2007 varð þó töluverð aukning, eins og fram kom í skýrslu síðasta aðalfundar. Niðurstaðan úr sveinsprófinu í júní 2008 gaf þó fyrirheit um að betri tíð væri í vændum hvað árangur próftaka varðar. Prófin í febrúar s.l. ullu þó miklum vonbrigðum, enda var yfir 40 prósent fall, sem verður að teljast algjörlega óviðunandi. Liggur nú beinast við að þeir aðilar sem að menntun stéttarinnar koma sameinist um að skoða og greina hvað það er sem hugsanlega veldur þessu, þ.e.a.s. fari í ákveðna naflaskoðun og leiti leiða til úrbóta.

Þrátt fyrir misjafnt gengi þá eru alltaf einhverjir sem að skara fram úr hvort sem það er í námi eða starfi. Á verðlaunaafhendingu Iðnaðarmannafélags Reyjavíkur hinn 7. febrúar síðastliðinn, hlutu fimm nýsveinar í rafvirkjun ásamt tveim rafeindavirkjum viðurkenningu úr hendi Forseta Íslands fyrir afburðaárangur í sveinsprófi á árinu 2008.

Hér fyrir neðan má sjá fimm af sjö verðlaunahöfum rafiðnaðarmanna sem hlutu viðurkenningu ásamt Formönnum RSÍ, FÍR og FRV.

Verðlaunahafar ásamt Formanni RSÍ, og Formönnum FÍR og FRV

Rafvirkjun er löggilt iðngrein og þess vegna eru gerðar ríkar kröfur til þeirra sem við hana vinna, að þeir séu ávallt vel menntaðir og hæfir til að leysa þau verkefni af hendi sem samið er um.

Hér að neðan má sjá niðurstöður sveinsprófanna í júní 2008 og febrúar 2009.

Sveinspróf í rafvirkjun og rafvélavirkjun, í júní 2008.

Rafvirkjun: Próftakar voru 89, þar af náðu 74 eða 82,2 % próftaka.

Rafvélavirkjun: Próftaki var 1 í endurtöku og náði prófi.

Skipting eftir Námsleiðum
Námsleiðir	Fjöldi	Stóðust	Féllu	Hlutfall
				Fall
Skólar	15	14	1	6,7%
Meistarakerfi	45	36	9	20,0%
Endurtökumenn	30	24	6	20,0%
Heild	90	74	16	17,8%
Skipting endurtökumanna eftir Námsleiðum
Námsleiðir	Fjöldi	Stóðust	Féllu	Hlutfall
				Fall
Skólar	12	11	1	8,3%
Meistarakerfi	18	13	5	27,8%
Heild	30	24	6	20,0%

Sveinspróf í rafvirkjun og rafvélavirkjun, júní 2008, frh.

Fall eftir prófþáttum:
Prófþættir	Fjöldi	Stóðust	Féllu	Hlutfall
				Fall
Verklegt - raflagnir og stýringar	68	62	6	8,8%
Verklegt - mælingar	72	67	5	6,9%
Skriflegt - rafmagnsfr. og hönnun	78	67	11	14,1%
Skriflegt - reglugerð og orðs.	74	69	5	6,8%
Iðnteikning	62	60	2	3,2%
Einkunnir einstakra prófþátta:
Prófþættir	Hæsta	Lægsta	Meðaltal	Fag
Verklegt - raflagnir og stýringar	9,5	3,0	6,5	Rafvirkjar
Verklegt - mælingar	9,8	3,0	7,2	Raf- og rafvélavirkjar
Skriflegt - rafmagnsfr. og hönnun	9,8	1,8	6,6	Raf- og rafvélavirkjar
Skriflegt - reglugerð og orðs.	9,5	2,9	7,1	Raf- og rafvélavirkjar
Iðnteikning	8,5	3,8	6,3	Rafvirkjar

Sveinspróf í rafvirkjun og rafvélavirkjun, febrúar 2009.

Rafvirkjun: Próftakar voru 93, þar af náðu 55 eða 58,5 % próftaka.

Rafvélavirkjun: Próftaki var 1 og náði hann ekki prófi.

Skipting eftir Námsleiðum
Námsleiðir	Fjöldi	Stóðust	Féllu	Hlutfall
				Fall
Skólar	20	12	8	40,0%
Meistarakerfi	56	36	20	35,7%
Endurtökumenn	18	7	11	61,1%
Heild	94	55	39	41,5%
Skipting endurtökumanna eftir Námsleiðum
Námsleiðir	Fjöldi	Stóðust	Féllu	Hlutfall
				Fall
Skólar	3	1	2	66,7%
Meistarakerfi	15	6	9	60,0%
Heild	18	7	11	61,1%

Sveinspróf í rafvirkjun og rafvélavirkjun, febrúar 2009, frh.

Fall eftir prófþáttum:
Prófþættir	Fjöldi	Stóðust	Féllu	Hlutfall
				Fall
Verklegt - raflagnir og stýringar	82	70	12	14,6%
Verklegt - mælingar	81	67	14	17,3%
Skriflegt - rafmagnsfr. og hönnun	88	68	20	22,7%
Skriflegt - reglugerð og orðs.	82	70	12	14,6%
Iðnteikning	77	75	2	2,6%
Einkunnir einstakra prófþátta:
Prófþættir	Hæsta	Lægsta	Meðaltal	Fag
Verklegt - raflagnir og stýringar	8,9	3,0	6,2	Rafvirkjar
Verklegt - mælingar	9,7	1,0	6,4	Rafvirkjar
Skriflegt - rafmagnsfr. og hönnun	9,1	1,2	5,4	Raf- og rafvélavirkjar
Skriflegt - reglugerð og orðs.	9,1	3,0	5,9	Raf- og rafvélavirkjar
Iðnteikning	8,0	1,4	6,2	Rafvirkjar

Þess má einnig geta, að verkefni Fræðsluskrifstofunnar „Ertu í stuði“, er gengur út á það að ná til einstaklinga, sem af einhverjum ástæðum ekki hafa lokið námi í rafiðngreinum, greina stöðu þeirra og færni og gefa þeim síðan kost á að ljúka því iðnnámi sem þeir hófu á sínum tíma.

Orlofshúsin

Miklar framkvæmdir hafa verið við orlofshúsin, sérstaklega í Skógarnesi við Apavatn. Stefnt er að því að framkvæmdum þar ljúki nú með vorinu, þ.e.a.s. fjölgun sumarhúsa og framkvæmdum þeim tengdum. Félagið hefur komið að uppbyggingu á svæðinu með því að fjármagna byggingu tveggja þeirra nýju húsa sem reist hafa verið. Markmiðið með þeirri ákvörðun var að flýta fyrir uppbyggingu svæðisins.

Miklar endurbætur eru í gangi í Ölfusborgum en húsin þar urðu fyrir töluverðum skemmdum í suðurlandsskjálftunum sl. vor og var reyndar kominn tími á endurbætur á þar. Húsin verða tekin í gegn að innan og sólstofur byggðar við þau þannig að þau verða mun rýmri fyrir vikið. Gera má ráð fyrir að vinsældir þeirra aukist til muna. Nýting á þeim hefur verið mjög góð og spilar þar vafalaust inní að stutt er frá höfuðborgarsvæðinu. Kappkostað er að framkvæmdum ljúki áður en sumarúthlutun hefst.

Auk þessara framkvæmda þá er mikið um endurbætur og viðhald á öðrum orlofshúsum sambandsins, sem sífellt þarf að huga að. Félagsmenn gera miklar kröfur til orlofshúsanna, og ekki minnka þær eftir að gist hefur verið í nýju húsunum.

Fjölskylduhátíðin

Fjölskylduhátíð RSÍ er búin að festa sig í sessi sem fastur liður í starfsemi sambandsins og var haldin um Jónsmessuhelgina 20. til 22. júní. Að þessu sinni var hún í boði Félags Rafeindavirkja í tilefni af afmæli félagsins. Er stefnt að því að félögin ásamt RSÍ komi meira sameiginlega að framkvæmd hátíðarinnar í framtíðinni.

Hátíðin heppnaðist mjög vel og voru á milli 800 og 1000 manns á svæðinu þegar mest var, en það var eins og vanalega þegar hinar ýmsu keppnir fóru fram svo sem knattspyrna, veiðikeppni, golfmót o.fl. Veður var með besta móti alla helgina. Hátíðinni lauk með dansleik við stóra húsið og síðan með hinni hefðbundnu brennu.

Þátttaka í World Skills

Í framhaldi af Íslandsmóti iðngreina tók stjórnin ákvörðun um að skoða þátttöku okkar í heimsmeistaramóti iðngreina, World Skills. Ísland hefur einu sinni tekið þátt, þegar píparanemi fór á keppnina í Japan árið 2007.

Næsta keppni verður í byrjun september í Calgary í Kanada. Auk þess að senda keppanda þarf að senda dómara og liðsstjóra. Eftir ítarlega skoðun og vangaveltur var ákveðið að vera með í keppninni í Calgary, ekki síst í ljósi þess hversu mikla umfjöllun píparaneminn fékk og má ennfremur líta á svona þátttöku sem ákveðna markaðssetningu,. Einnig ber þess að geta að Menntamálaráðuneytið greiðir fyrir aðild Íslands að World Skills og Euro Skills. Það er verkmenntun á Íslandi til framdráttar að vera í þessum samtökum og taka þátt í keppnum á þeirra vegum, ef enginn áhugi er fyrir því að taka þátt þá er líklegt að ríkið dragi stuðning sinn til baka. Þess ber þó að geta ákvörðun um að senda keppanda að þessu sinni er á engan hátt bindandi til framtíðar heldur er slík ákvörðun skoðuð í hvert sinn um leið og kostir og gallar eru metnir. Ásamt okkur munu píparar og félag hársnyrtisveins vera með, einn keppandi úr hverri grein. Frá áramótum hefur verið unnið að undirbúningi æfingaplani fyrir keppandann. Stefán Ingi Ingvason, nemandi í Iðnskólanum í Hafnarfirði fer sem keppandi fyrir okkar hönd,.

Fjölbrautaskóli Vesturlands Akranesi (FVA)

Stefna stjórnar FÍR hefur verið að styðja við bakið á þeim menntastofnunum sem sjá um menntun rafiðnaðarmanna, með því að færa þeim skólum búnað að gjöf sem að nýtast við kennslu í rafiðnaði. Er venjan sú, að skólarnir setja fram óskir sem síðan er reynt að uppfylla. Nauðsynlegt er að hlúa að þessum menntastofnunum og reyna að hlaupa undir bagga ef þær telja sig vanhaga um eitthvað sem að gagni mætti koma við kennsluna, en það eru okkar hagsmunir og fagsins, að sem best takist til við uppfræðsluna og að sem hæfastir einstaklingar komi til starfa hverju sinni.

Að þessu sinni var FVA færður ýmis búnaður til ljósastýringa, dimmar, spennar f. EIB-búnað. Auk þess fæðum við þeim mótor að gjöf ásamt merktum vinnuvestum sem að nemarnir geta klæðst við vinnu sína í skólanum. Skólamenn voru afar ánægðir með þetta framlag og má sjá um það frétt á heimasíðu skólans.

Ferð í Reykjanesvirkjun

Í janúar sl. stóð stjórn FÍR ásamt stjórnum Félags Rafeindavirkja og Félags tæknifólks fyrir ferð í Reykjanesvirkjun. Ákveðið var í ljósi góðrar þátttöku og almennrar ánægju með ferð á vegum FÍR í Hellisheiðarvirkjun á síðasta ári að fara í þessa ferð. Reikna má með að svona ferðir verði að reglulegum viðburðum ef þátttaka og áhugi helst sem hingað til. Þátttaka var mjög góð, nálægt hundrað og fimmtíu manns í þremur rútum nýttu sér þetta tækifæri. Hópurinn fékk góða leiðsögn um virkjunina og verða við skoðun svona mannvirkja, kostir þeirra auðlinda sem að við íslendingar búum yfir sífellt ljósari, og augljóst hversu lánsamir við erum sem þjóð að búa við þvílík forréttindi að hafa þessar auðlindir undir fótum okkar, en verðum jafnframt ávallt að hafa það hugfast, að nýta þær á sem hagkvæmastan máta og ekki ganga of nærri þeim.

Eftir skoðunarferð um virkjunina kom hópurinn síðan saman í miðstöð hestamannafélagsins Mána í Reykjanesbæ og fékk sér hressingu áður en lagt var af stað til baka í bæinn. Ekki var annað að sjá en að almenn ánægja hafi verið með ferðina og skipulag hennar.

Hluti hópsins við Reykjanesvirkjun, jan. 2009.

Fundarferð RSÍ

Eins og kunnugt er þá hefur Rafiðnaðarsambandið staðið fyrir fundarferð um landið. Er það hluti af starfsemi sambandsins til að fara yfir stöðu atvinnu- og kjaramála hverju sinni ásamt kynningu á RSÍ og þeirri starfsemi sem að sambandið sinnir.

Vegna efnahagsástandsins og þá stöðu sem skapast hefur á vinnumarkaði frá því í haust, þótti ærin ástæða til fundaferðar. Mikill áhugi var fyrir þessum fundum og mæting með besta móti. Tímasetning fundanna hafði vafalaust áhrif en þeir voru haldnir í hádeginu svo fundargestir gætu nýtt matartíma til að sækja fundina. Auk fundanna voru verkmenntaskólar þeir sem útskrifa nemendur í rafiðngreinum heimsóttir. Nemunum var gerð grein fyrir uppbyggingu RSÍ, hvað það stæði fyrir, réttindum sem fylgdu því að vera í RSÍ, í hverju starf starfsmanna þess væri fólgið o.fl.. Greinilegt var að nemendur hafa nokkrar áhyggjur af atvinnumálum sínum, en starfsnám er einn af þáttum námsins og því afar brýnt að nemarnir eigi kost á vinnu, en sú vinna sem þeir stunda á milli anna hefur getað nýst þeim vel. (sjá nánar: rafis.is/fréttir/starfsemi stéttarfélaga)

Jólaball

Aðildarfélög Rafiðnaðarsambandsins tóku sig saman og héldu jólaball sem fyrst og fremst var ætlað yngstu kynslóðinni. Mæting var nokkuð góð, rúmlega hundrað manns mættu og skemmtu allir sér vel. Ætlunin er að skoða hvort vilji sé til þess að vera með jólaball að ári og meta svo hvort vert sé að gera þennan sið að árlegum viðburði.

Reykjavík 30.03.09

Stefán Sveinsson, Formaður FÍR

Á fundi stjórnar og trúnaðarmannaráð þ. 5. desember, var samþykkt eftirfarandi:

Ályktun

Stjórn og trúnaðrmannaráð sendi frá sér eftirfarandi ályktun: Á fundi í stjórn og trúnaðarráði Félags íslenskra rafvirkja þann 5. desember 2008, var fjallað um ástand samfélagsmála og þá stöðu sem fjármálakerfi Íslands er komið í. Á fundinum var gerð eftirfarandi samþykkt:

Félag íslenskra rafvirkja lýsir þungum áhyggjum af þeirri stöðu sem fjármálkerfi landsins er komið í með hruni bankakerfisins. Fundurinn tekur undir kröfur um að aðdragandi bankahrunsins verði rannsakaður og velt um hverjum steini. Athygli hefur vakið að nú hefur borist tilboð í Kaupþing Luxemborg. Banka sem hefur tekið virkan þátt í fjármálaflutningum í verkefni íslenskra útrásarvíkinga og forystumanna bankakerfisins erlendis. Fundurinn krefst þess að þessi hluti bankakerfisins verði ekki seldur fyrr en búið að velta um þeim steinum sem þar eru. (birt á heimasíðu RSÍ)

Efst á síðu