Starfandi
kvikmyndasýningarmenn án réttinda.
Þar sem starf kvikmyndasýningarmanna hefur nú
verið samþykkt i Menntmálaráðuneytinu þá heyrir það ekki lengur undir
Vinnueftirliti ríkisins heldur mun Fræðsluskrifstofa rafiðnaðarins halda
utan um réttindamál þeirra.
Þeir kvikmyndasýningarmenn sem nú þegar eru í
starfsþjálfun eða við vinnu án réttinda þurfa að leggja inn meðfylgjandi
umsókn til Fræðsluskrifstofu rafiðnaðarins fyrir 17. desember 2007.
Fræðsluskrifstofan mun síðan gefa út námssamning á viðkomandi aðila sem munu
síðan gangast undir próf í apríl 2008 sem staðfestir ákveðna kunnáttu
þeirra og færni í kvikmyndasýningastjórn.
Frá og með 1. janúar 2008 þurfa þeir
einstaklingar sem hyggja á að starfa sem kvikmyndasýningarmenn að hafa lokið
grunnnámi rafiðna, síðan tekur við samningsbundin starfsþjálfun í 12 vikur
undir umsjón tæknistjóra viðkomandi kvikmyndahús. Starfsþjálfunin sem um
getur skal taka minnst 300 sýningartíma og skal nemi á reynslutíma starfa í
minnst 100 klukkustundir, síðan skulu 200 klukkustundir dreyfast jafnt á
vikurnar sem eftir er.
Fyrirhugaður er fundur boðaður af
Fræðsluskifstofu rafiðnaðarins í janúar 2008 með forráðamönnum kvikmyndahúsa
og stjórn FSK til að fara yfir stöðu mála og verður áhersla lögð á að virða
þessar starfsaðferðir, því það er engin spurning að það er allra hagur að
hafa hæfa og vel upplýsta menn til að stjórna nútíma sýningarkerfum í
kvikmyndahúsum í dag.
Meðfylgandi er umsókn
um gerð námssamninga.
Með kveðju,
Félag Sýningarstjóra við kvikmyndahús og
Fræðsluskifstofa rafiðnaðarins